بسم الله الرحمن الرحيم
السلام عليكم ورحمة الله وبركاته
والمطبق اكله يمنيه بس كثير حلوة وخفيفة وصحيه ومافي زي شغل البيت أضمن لأن زي شغل المطاعم الواحد يخاف ومايضمن
العماله وشغلهم
بسم الله نبدأ:-
شدة بقدونس مفروم
شدة كراث مفروم
شدة بصل اخضر مفروم
1 طماطم مفروم
البيض على خفة الخلطه يمكن نحتاج من 6 إلى 10 بيضات ويمكن اكثر
رشة ملح وفلفل اسود
2 ملعقة كمون ويمكن أكثر لأن هو الأساس في الطعم
نص كاس لحم مفروم ومطبوخ مع بصل ناعم ورشة فلفل اسود ودارسين وكمون واللحم يكون مجرد نكهه وضروري في هالطبق
عجينة المطبق
نضع البيض والخضار
نضع اللحم والبهار
شفتوا كيف شكل الخليط لازم يكون خفيف مررررررررره
لازم تركزون معي شوي حبيباتي
نمسح الصاجه بشوية زيت بعدين نحط طبقه وحده من العجين والنار هاديه مرررررررررررره
ونحط تقريبا ملعقتين إلى ثلاث ملاعق من الخليط لازم شوي وخفيف انتبهوا لا تكثرون مو حلوه تصير ولا توصل للأطراف
وعلى طول نجيب طبقة ثانيه عليها قبل لا تستوي الخلطه ونرفع شوي النار الى ان يتماسك الخليط ويستوي ونمسحها من فوق بالزيت ونقلبها على طول الى ان تشقر ونشيلها
مره سهله وسريعه تحتاج لخفة يد بس
بعد ما تخلص الكميه تقدم مع قطع الليمون ضروري تعصرون عليها ليمون مره تجنن
وتنفع هالطريقه في كشتات البر
وعلى الفطور بعد حلوه تحشونها مسحة لبنه ورشة جبنة موزاريلا وهي على الصاجه وبعد ما تخلص ترشين عليها عسل يصير طعمها مو صاحيه عذاااااااااااااااااااااااااب وعن تجربة
منقووووول
وبالعافيه عليكم يارب